Aftreebeplanning

June 24, 2014

Het u onlangs besef hoe gerieflik sekere dinge geword het? U kan in ‘n winkel soos Woolworths instap, die groente en vrugte afdeling besoek en sien presies hoe vars ‘n produk is deur slegs na die “verkoop teen” datum op die produk te kyk. Hoewel meeste dinge deesdae op hierdie “verkoop teen” beginsel gebaseer is, werk die lewe ongelukkig nie dieselfde nie. U weet nie wat u “verkoop teen” datum is nie en dit bemoeilik u aftreebeplanning.

Daar moet redelik vroeg in u lewe aandag gegee word aan aftreebeplanning om te verseker dat u genoeg fondse beskikbaar sal hê vir wanneer u heelwat ouer is. Dit is ‘n wetenskaplike feit dat mense langer leef. In ‘n onlangse artikel deur Amy Bell, “Raising the retirement age”, word duidelik gestel dat die Britse, Franse en Duitse regerings die aftree-ouderdom van hul onderskeie bevolkings verhoog.

Aftree-ouderdom in jare
Land Huidig Verhoog
Frankryk 60 62 teen 2018
Brittanje 65 66 teen 201668 teen 2046
Duitsland 64 67 begin 2012
Griekeland 61 63 teen 2015

20′s – In u 20′s moet u fokus op die afbetaling van enige uitstaande skulde soos oortrokke fasiliteite, kredietkaart skuld, studentelenings, ens.

30′s – In u 30′s mag dit nodig wees om u finansiële doelwitte se fokus te verskuif tot die moontlike koop van ‘n huis of om u gesin uit te brei, u vordering met daardie skuld waaraan u afbetaal te kontroleer en by u maatskappy se pensioen skema aan te sluit of te belê in ‘n persoonlike aftree-annuïteit. Ander langtermynbeleggings moet ook oorweeg word op hierdie stadium.

40′s – In u 40′s moet u fokus op besparing, dus is die aanskaf van ‘n aandeleportefeulje of ‘n spaarrekening noodsaaklik. Alle salaris verhogings en bonusse moet gesien word as ‘n geleentheid om meer by te dra tot u pensioenfonds of spaarrekening.

Uiteindelik, u 50′s – Tyd om op ‘n presiese aftree-ouderdom te besluit. Hierdie moet dien as ‘n riglyn vir u spaar-strategie vorentoe, aangesien dit sal bepaal hoeveel inspanning dit gaan kos om u finansiële aftree-doelwit te bereik.

Neem beheer: As u beheer het oor waar u pensioen belê word (hetsy ‘n persoonlike- of maatskappy pensioenfonds), kyk na waar en hoe u geld belê is. U kan altyd oorskakel na veiliger opsies as u genoeg kennis het hierin, alhoewel ek aanbeveel dat u ‘n professionele opinie aanvra hiervoor.

Verhoog u bydraes: Indien moontlik, verhoog u maandelikse besparings-bydraes om seker te maak u sit soveel as moontlik geld weg voor u aftrede. Wees egter verstandig: moenie oorboord gaan met besparing nie, dit is belangrik dat u genoeg geld beskikbaar het om u maandelikse uitgawes gemaklik te dek.

Oorweeg ander opsies: As u voel dat u nie daarin gaan slaag om genoeg te spaar voor aftrede nie en u wil graag u potensiële aftree-inkomste vergroot, oorweeg ander beleggingsopsies. Dividende- aandele en aandele, onder andere, kan ideaal wees.

Beplan vooruit: U toekoms is onseker, daarom moet verskeie ander faktore ingereken word by u aftreebeplanning. Daar is ‘n groot moontlikheid dat u in ‘n ouetehuis kan beland as ‘n bejaarde, daarom moet u probeer om genoeg te spaar om sulke fooie ook te dek.

u besparings kan reeds begin afbetaal in u 50’s of soos u nader aan u aftree-ouderdom beweeg. Maak egter steeds seker dat u soveel as moontlik spaar gedurende hierdie dekade, sodat u die vrugte daarvan kan pluk en darem nog iets kan oorhê wanneer u, u “verkoop teen” datum bereik.